فلسطین کی آزاد، خودمختار ریاست کے قیام کے حامی ہیں، بھارت

بھارت اسرائیل کے ساتھ ساتھ خود مختار فلسطینی ریاست کے قیام سے متعلق اپنے دیرینہ موقف پر قائم ہے،بیان
نئی دہلی (ڈیلی پاکستان آن لائن )بھارت نے کہاہے کہ مشرق وسطی میں قیام امن کے لیے فلسطین اور اسرائیل پر مشتمل دو ریاستوں کے قیام کے حامی ہیں۔غیرملکی خبررساں ادارے کے مطابق بھارت کے وزیر خارجہ جے شنکر نے راجیہ سبھا میں بیان دیتے ہوئے کہا کہ بھارت اسرائیل کے ساتھ ساتھ علیحدہ ، آزاد اور خود مختار فلسطینی ریاست کے قیام سے متعلق اپنے دیرینہ موقف پر قائم ہے۔ فلسطینی کی آزاد ریاست کے حامی ہیں۔بھارتی وزیرخارجہ نے مزید کہا کہ سات اکتوبر 2023 سے حماس اور اسرائیل کے درمیان جاری تنازع کے بعد فلسطین سے متعلق 13 قراردادیں اقوام متحدہ میں پیش کی گئیں۔ بھارت نے ان قراردادوں میں سے 10 کی حمایت میں ووٹ دیا جبکہ 3 میں غیر حاضر رہا۔ تنازع سے متاثرفلسطینیوں کے لیے امداد بھی فراہم کررہے ہیں۔