غزہ میں امدادی ترسیل روکنے پر یورپی تنقید سے دل ٹوٹتا ہے، اسرائیل

اسرائیل غزہ میں امدادی اشیا کے داخلے کی سہولت دیتا ہے اور اس سلسلے میں کوئی پابندی نہیں لگاتا،بیان
تل ابیب (این این آئی)اسرائیل نے بعض یورپی اتحادیوں اور ملکوں کی جانب سے غزہ میں بلا تعطل امدادی کارروائیوں کے جاری رکھنے کا مطالبہ کرنے اور ترسیل میں رکاوٹوں پر تنقید کو اپنے لیے حوصلہ شکنی اور دل شکستگی کا سبب قرار دیا ہے ۔میڈیارپورٹس کے مطابق ڈیوڈ لیمی نے ایکس پر لکھاکہ اسرائیل فوری طور پر اقوام متحدہ کے موسم سرما کے لیے دیے گئے منصوبے پر عمل کرے۔ تاکہ بے گھر فلسطینیوں کو سردی اور سیلابی تباہ کاری سے بچایا جا سکے۔ڈیوڈ لیمی نے ایندھن کی فلسطینیوں کو فراہمی کا مطالبہ کیا اور کہا کہ شہری زندگی کے تباہ کر دیے گئے ڈھانچے کی مرمت کی جائے تاکہ امداد کی فراہمی ہو سکے۔اسرائیلی وزارت خارجہ کے بیان میں یہ بھی کہا گیا ہے کہ اسرائیل غزہ میں امدادی اشیا کے داخلے کی سہولت دیتا ہے اور اس سلسلے میں کوئی پابندی نہیں لگاتا۔