غریب عوام کے نمائندوں کی تنخواہوں میں کتنا اضافہ ہوا۔۔جان کر حیران رہ جائیں گے

رکن پنجاب اسمبلی کی تنخواہ 76 ہزار سے بڑھا کر 4 لاکھ ،وزیر کی تنخواہ 9 لاکھ 60 ہزار

لاہور( ڈیلی پاکستان آن لائن) پنجاب کے غریب عوام کے نمائندوں کی تنخواہوں میں کتنا اضافہ ہوا سن کر آپ حیران رہ جائیں گے ۔ اراکین پنجاب اسمبلی کی تنخواہ 76 ہزار سے بڑھا کر 4 لاکھ کر دی گئی، بل کی منظوری کے بعد اب صوبائی وزرا کی تنخواہ 1 لاکھ سے بڑھا کر 9 لاکھ 60 ہزار کر دی جائے گی، بل کی منظوری کے بعد اب سپیکر پنجاب اسمبلی کی تنخواہ 1 لاکھ 25 ہزار سے بڑھا کر 9 لاکھ 50 ہزار کر دی جائے گی۔ڈپٹی سپیکر پنجاب اسمبلی کی تنخواہ 1 لاکھ 20 ہزار سے بڑھا کر 7 لاکھ 75 ہزار کردی گئی، پارلیمانی سیکرٹریز کی تنخواہ 83 ہزار سے بڑھا کر 4 لاکھ 51 ہزار ہوئی ۔علاوہ ازیں بل کی منظوری کے بعد اب سپیشل اسسٹنٹ کی تنخواہ 1 لاکھ سے بڑھا کر 6 لاکھ 65 ہزار کر دی جائے گی، اب ایڈوائزر کی تنخواہ 1 لاکھ سے بڑھا کر 6 لاکھ 65 ہزار کر دی جائے گی۔