عمران خان کے وکلاء کو کروڑوں روپے فیس کون ادا کرتا ہے؟ ‘شیر افضل مروت نے بتادیا

عمران خان کے ایک دن جیل میں رہنے پر حکومت کے لاکھوں روپے کا خرچ آتا ہے، رہنما پی ٹی آئی
اسلام آباد(ڈیلی پاکستان آن لائن ) پاکستان تحریک انصاف کے رہنما شیر افضل مروت نے بانی پی ٹی آئی کے جیل میں رہنے پر اخراجات کے حوالے سے میڈیا کے نمائندوں سے بات کی ہے۔وفاقی دارالحکومت میں صحافیوں سے گفتگو کرتے ہوئے شیر افضل مروت نے کہا کہ بانی چیئرمین پی ٹی آئی عمران خان کے ایک دن جیل میں رہنے پر حکومت کے لاکھوں روپے کا خرچ آتا ہے۔انہوں نے کہا کہ عمران خان کی مرضی سے وکلاء کیسز لڑتے ہیں، وکلاء کے کیسز لڑنے کی فیسیں ہوتی ہیں مگر کروڑوں روپے کی ان فیسوں کو میں جسٹیفائی نہیں کرتا۔ انہوں نے کہا کہ بانی پی ٹی آئی عمران خان کے لیے ڈونیشنز آتے ہیں یا پارٹی کے لوگ ڈونیشن دیتے ہیں۔شیر افضل مروت نے بتایا کہ وکلاء کی فیس کی مد میں گزشتہ ایک ماہ میں 7کروڑ روپے علی امین خان نے ادا کیے ہیں۔ پیسے آنے کا مطلب یہ نہیں کہ پیسوں پر ترس نہ کیا جائے۔ وکلاء کی فیسوں کا حساب کتاب ہونا چاہیے۔