صائم ایوب 6ہفتوں تک انٹرنیشنل کرکٹ سے باہر

اوپنر اسکواڈ کے ہمراہ جنوبی افریقہ میں ہی قیام کریں گے، پی سی بی
لاہور(ڈیلی پاکستان آن لائن )آئی سی سی چیمپئینز ٹرافی سے قبل جنوبی افریقہ کے خلاف دوسرے ٹیسٹ میچ کے پہلے روز انجری کا شکار ہونے والے صائم ایوب 6ہفتوں کیلئے انٹرنیشنل کرکٹ سے باہر ہوگئے۔گزشتہ روز کیپ ٹائون میں کھیلے جارہے میچ میں شارٹ تھرڈ مین بائونڈری پر گیند کا پیچھا کرنے کی کوشش کی، اس دوران بانڈری لائن کے قریب قومی ٹیم کے اوپنر صائم کا دائیں ٹخنہ مڑ جانے سبب انجری کا شکار ہوئے تھے۔پاکستان کرکٹ بورڈ کی جانب سے جاری کردہ اعلامیے میں کہا گیا ہے کہ اوپنر کی ایم آر آئی رپورٹس میں فریکچر کی تصدیق ہوئی ہے جس کے باعث وہ 6ہفتوں تک انٹرنیشنل کرکٹ سے دور ہوگئے ہیں۔صائم ایوب جنوبی افریقہ کے خلاف دوسرے ٹیسٹ میچ سے باہر ہوگئے ہیں تاہم وہ ٹیم کے ہمراہ رہیں گے اور میچ ختم ہونے بعد اسکواڈ کے ہمراہ وطن واپس لوٹیں گے۔خیال رہے کہ انجری کے باعث اوپنر کو فوری طور پر دوسرے ٹیسٹ میچ سے باہر کردیا گیا ہے جبکہ انہیں فوری ہسپتال منتقل کرکے اسکین کروایا گیا تھا جس کی رپورٹ آج سامنے آئی ہے۔