سکھ رہنما سکھبیر بادل پر گولڈن ٹیمپل میں قاتلانہ حملہ

سکھبیر سنگھ بادل پر قاتلانہ حملے کی ویڈیو بھی منظرِ عام پر آ گئی
نئی دہلی (ڈیلی پاکستان آن لائن )بھارتی پنجاب کے سابق نائب وزیرِ اعلی سکھبیر بادل سنگھ پر قاتلانہ حملہ کیا گیا جس میں وہ محفوظ رہے، حملہ آور کو گرفتار کر لیا گیا ہے۔بھارتی میڈیا کی رپورٹس کے مطابق سیاسی جماعت شرومنی اکالی دل (ایس اے ڈی)کے سربراہ سکھبیر سنگھ بادل پر قاتلانہ حملہ ہوا ہے، جس کی ویڈیو منظرِ عام پر آ گئی۔ویڈیو میں دیکھا جا سکتا ہے کہ ان پر ایک شخص نے اس وقت گولی چلا دی جب وہ امرتسر کے گولڈن ٹیمپل میں اپنی سزا سوادار پوری کر رہے تھے۔فائرنگ کرنے والے شخص کو موقع پر موجود لوگوں نے قابو میں کر کے پولیس کے حوالے کر دیا۔پولیس کا کہنا تھا کہ گرفتار شوٹر سے تحقیقات جاری ہیں۔سیکیورٹی اسٹیبلشمنٹ کے ذرائع کے مطابق شوٹر نارائن سنگھ کا تعلق خالصتانی دہشت گرد گروپ ببر خالصہ سے ہے۔