سٹاک مارکیٹ میں زبردست تیزی، ہنڈرڈ انڈیکس میں 3ہزار 907پوائنٹس اضافہ

کراچی(ڈیلی پاکستان آن لائن)پاکستان سٹاک مارکیٹ میں مندی کے بعد شدید تیزی دیکھنے میں آئی ہے۔پاکستان سٹاک ایکسچینج کاروباری ہفتے کے پہلے روز آغاز سے اختتام تک مسلسل گرین زون میں ٹریڈ ہوئی، پاکستان سٹاک ایکسچینج دوران ٹریڈنگ 4ہزارپوائنٹس پلس ہوئی۔کاروباری ہفتے کے پہلے روز 100انڈیکس کا آغاز 500پوائنٹس تیزی سے ہوا، 100انڈیکس کا اختتام 3ہزار907پوائنٹس بڑھ کر 1لاکھ 15ہزار 258پوائنٹس کی حد پر ہوا۔100انڈیکس زبردست تیزی سے 1لاکھ 11ہزار کی حد سے بڑھ کر 1لاکھ 15ہزار 4سو کی حد پر ٹریڈ ہوا، سٹاک ایکسچینج میں 465کمپنیوں کے شیئرز میں ٹریڈنگ ریکارڈ کی گئی۔سٹاک ایکسچینج میں 333کمپنیوں کے شیئرز کی قیمت میں اضافہ اور 84کمپنیوں کے شیئرز کی قیمتوں میں کمی ہوئی، سٹاک ایکسچینج میں 1ارب 5کروڑ شیئرز کا کاروباری حجم 40ارب 88 کروڑ روپے سے زائد رہا۔