سول نافرمانی کی تحریک بارے عمران خان کے فیصلے پر عمل کریں گے : علی امین گنڈاپور

ہماری حکومت کی کار کردگی دیگر صوبوں سے اچھی ہے:وزیر اعلیٰ خیبر پختوانخواہ

حویلیاں(ڈیلی پاکستان آن لائن)وزیراعلی خیبرپختونخوا ہ علی امین گنڈاپور نے کہا ہے کہ سول نافرمانی کی تحریک بارے بانی پی ٹی آئی عمران خان کے فیصلے پر عمل کریں گے،دہشتگردی کو کنٹرول کر لیں گے، امن و امان کی ذمہ داری وفاق کی ہے، ہماری حکومت بھی امن وامان بہتر بنانے کے لئے اقدامات کر رہی ہے، ہماری حکومت کی کار کردگی دیگر صوبوں سے اچھی ہے۔پریس کانفرنس کرتے ہوئے علی امین گنڈاپور نے کہا کہ آئی ایم ایف نے بھی خیبر پختونخوا ہ حکومت کی تعریف کی ہے۔دہشتگردی کیخلاف لڑ رہے ہیں، قربانیاں بھی دے رہے ہیں،افغانستان کے ساتھ ہمیں مذاکرات کرنے چاہئیں، افغانستان ہمارا پڑوسی ملک ہے پوری دنیا اسے تسلیم کر چکی ہے۔وزیراعلی خیبرپختونخوا ہ علی امین گنڈاپور نے مزید کہا کہ سول نافرمانی کی تحریک کا اعلان بانی پی ٹی آئی نے کیا ہے، تحریک کے حوالے سے جو فیصلہ عمران خان کریں گے اس پر عمل ہوگا۔