سعودی عرب توانائی کی منتقلی سے مستفید ہونے والا واحد ملک بن گیا

ہم دوسروں کے ساتھ اشتراک کے بغیر بہترین نہیں ہو سکتے،سعودی وزیرتوانائی
ریاض(ڈیلی پاکستان آن لائن)سعودی عرب کے وزیر توانائی شہزادہ عبدالعزیز بن سلمان نے کہا ہے کہ پائیداری کے حصول میں توانائی کے تحفظ کو نظر انداز نہیں کیا جانا چاہیے۔عرب ٹی وی کے مطابق انہوں نے سعودی گرین انیشیٹو فورم سے خطاب میں مزید کہا کہ ہم دوسروں کے ساتھ اشتراک کے بغیر بہترین نہیں ہو سکتے۔سعودی وزیر توانائی نے کہا کہ سعودی عرب دنیا کا واحد ملک ہے جو توانائی کی منتقلی سے مالی طور پر فائدہ اٹھاتا ہے۔انہوں نے مزید کہا کہ مملکت صرف اس کے بارے میں بات کرنے کے بجائے “توانائی کی منتقلی” کے مرحلے کا سامنا کر رہی ہے۔انہوں نے واضح کیا کہ دس لاکھ بیرل تیل کو گیس اور قابل تجدید توانائی سے تبدیل کرنا ایک بڑی کامیابی ہے۔