سرکاری سکولز کو آئوٹ سورس کرنے کیخلاف دائر درخواستیں خارج

لاہور (ڈیلی پاکستان آن لائن) لاہور ہائیکورٹ نے سرکاری سکولز کو آئوٹ سورس کرنے کے خلاف دائر درخواستوں کو خارج کر دیا۔لاہور ہائیکورٹ کے جسٹس شاہد کریم نے اعتراز احسن سمیت دیگر کی درخواستوں پر سماعت کی، درخواست گزاروں نے پبلک پرائیویٹ پارٹنرشپ کے تحت حکومتی پروگرام کو چیلنج کیا۔درخواست گزاروں کی جانب سے موقف اختیار کیا گیا کہ پنجاب حکومت کا سرکاری سکولز کو پرائیویٹ کرنے کا اقدام خلاف قانون ہے، سرکاری سکولز پرائیویٹ ہونے سے فیسوں میں اضافہ کردیا جائے گا، غریب کے بچے سرکاری سکولز کی بنیادی تعلیم سے محروم ہو جائیں گے۔درخواست گزاروں کی جانب سے استدعا کی گئی کہ عدالت پنجاب حکومت کا سکولز کو آٹ سورس کرنے کا فیصلہ کالعدم قرار دے۔سرکاری وکیل نے بتایا کہ بند سرکاری سکولز کو پبلک پرائیویٹ پارٹنرشپ کے ذریعے آٹ سورس کیا جارہا ہے، آٹ سورس سکولز بھی پنجاب حکومت کے زیر اہتمام رہیں گے۔بعدازاں لاہور ہائیکورٹ نے سرکاری سکولز کو آٹ سورس کرنے کے خلاف دائر درخواستوں کو خارج کردیا۔