ریمئر سپر کرکٹ لیگ ، نووا میڈ نے دفاعی چمپئن نیٹ سول کو شکست دے کر ٹائٹل جیت لیا

ریمئر سپر کرکٹ لیگ ، نووا میڈ نے دفاعی چمپئن نیٹ سول کو شکست دے کر ٹائٹل جیت لیا
فاتح ٹیم کے 154رنز کے تعاقب میں نیٹ سول کی ٹیم 103رنز بنا سکی،ٹیموں، کھلاڑیوں میں انعامات تقسیم کئے گئے
رمضان المبارک سے قبل مزید دو ٹورنامنٹس منعقد کرائے جائیں گے’ چیف آرگنائزر فہیم مختار بٹ کااختتامی تقریب سے خطاب
لاہور(ڈیلی پاکستان آن لائن) پریمئر سپر کرکٹ لیگ کے آٹھویں ایڈیشن کا ٹائٹل نووا میڈ نے اپنے نام کر لیا ، نیٹ سول کی ٹیم ٹائٹل کا دفاع کرنے میں ناکام رہی ۔ایل سی سی اے گرائونڈ میں کھیلے گئے فائنل میچ میں نووا میڈ نے پہلے کھیلتے ہوئے مقررہ اوورز میں 154رنز کا ہندسہ جورا ۔ ہدف کے تعاقب میں میدان میں اترنے والی دفاعی چمپئن نیٹ سول کی ٹیم 103رنز بنا کر آئوٹ ہو گئی ۔ مہمان خصوصی صدر ایل آر سی اے خواجہ ندیم احمد اور دیگر نے فاتح اور رنر اپ ٹیم کو ٹرافیز اور میڈلز دئیے جبکہ نمایاں لیگ میں نمایاں کارکردگی دکھانے والے کھلاڑیوں کو بھی انعامات دئیے گئے ۔ اس موقع پر اظہر زیدی، فہیم مختار بٹ ، میاں مبین اور شائقین کرکٹ کی کثیر تعداد بھی موجود تھی ۔ٹورنامنٹ کے آرگنائزر فہیم مختار بٹ نے گفتگو کرتے ہوئے کہا کہ لیگ کے کامیابی سے انعقاد پر تمام دوستوں کا مشکور ہوں ، کوئی بھی کھیل ہو وہ آپ کو ڈسپلن میں لاتا ہے اور لیگ میں شریک تمام ٹیموں کے کھلاڑیوں اور مینجمنٹ کا شکر گزار ہوں کہ سب نے انتہائی ڈسپلن کا مظاہرہ کیا جس سے اس کا کامیابی سے انعقاد ممکن ہوا ۔ انہوں نے بتایا کہ امسال تین ٹورنامنٹس شیڈول ہیں ، رمضان المبارک سے قبل مزید دو ٹورنامنٹس منعقد کرائے جائیں گے