رمضان شوگر مل کیس،شہباز شریف اور حمزہ شہباز کیخلاف مقدمے کی سماعت ملتوی

لاہور (ڈیلی پاکستان آن لائن) اینٹی کرپشن کورٹ نے وزیر اعظم شہباز شریف اور ان کے بیٹے حمزہ شہباز کے خلاف رمضان شوگر مل کے مقدمے پر سماعت 23دسمبر تک ملتوی کر دی۔مقدمے پر اینٹی کرپشن کورٹ کے جج کی عدم دستیابی کی وجہ سے کوئی سماعت نہیں ہو سکی۔سابق وزیر اعلیٰ پنجاب حمزہ شہباز عدالت کے روبرو پیش نہ ہوئے۔وزیر اعظم شہباز شریف کی جگہ بھی ان کے نمائندے انوار حسین پیش ہوئے۔یاد رہے کہ احتساب عدالت لاہور کے جج زبیر شہزاد کیانی نے وزیر اعظم شہباز شریف اور حمزہ شہباز کے خلاف رمضان شوگر مل ریفرنس کو اینٹی کرپشن کورٹ میں بھجوانے کا حکم دیا تھا۔