دکانیں مارکیٹیں، شاپنگ مالز کے اوقات کار پر عائد پابندی ختم

لاہور( ڈیلی پاکستان آن لائن)پنجاب حکومت نے لاہور اور ملتان میں دکانوں، مارکیٹوں، شاپنگ مالز، ہوٹلز، ریسٹورانٹس، اور فوڈ آئوٹ لیٹس کے اوقات پر عائد پابندی ختم کر دی ۔ڈی جی ماحولیات ڈاکٹر عمران حامد شیخ نے پابندی ختم کرنے کا نوٹیفکیشن جاری کر دیا جس میں کہا گیا ہے کہ پنجاب ماحولیاتی تحفظ ایکٹ 1997 کے تحت اوقات کار پر عائد پابندی حالیہ ایئر کوالٹی انڈیکس میں بہتری کے پیش نظر واپس لے لی گئی ہے۔ڈاکٹر عمران حامد شیخ کے مطابق دکانیں، شاپنگ مالز، ہوٹلز، ریسٹورانٹس، اور فوڈ آٹ لیٹس اب مقررہ اوقات کے بغیر معمول کے مطابق کھلے رہ سکتے ہیں، اس حکم کا فوری اطلاق ہوگا اور تمام متعلقہ محکموں کو آگاہ کر دیا گیا ہے۔