دوست ملک کا پاکستان کے لئے بڑا اقدام

اسلام آباد( ڈیلی پاکستان آن لائن )سعودی ڈویلپمنٹ فنڈ نے پاکستان کیلئے 3 ارب ڈالر ڈیپازٹ میں ایک سال توسیع کردی۔اس حوالے سے جاری اسٹیٹ بینک آف پاکستان کے اعلامیہ میں کہا گیا ہے کہ ڈیپازٹ کی معیاد 5دسمبر ختم ہو رہی تھی۔اعلامیہ میں مزید کہا گیا ہے کہ 2021 میں حاصل شدہ 3 ارب ڈالر ڈیپازٹ کی تیسری بار توسیع دوستانہ تعلقات کا مظہر ہے۔خیال رہے کہ اکتوبر میں فیوچر انویسٹمنٹ انیشیٹو کے 8ویں ایڈیشن کے موقع پر پاکستان اور سعودی عرب نے دو طرفہ تجارت، سرمایہ کاری اور اقتصادی تعاون مزید بڑھانے پر اتفاق کیا تھا۔