حکومت بانی پی ٹی آئی کی رہائی کیلئے تیار تھی:سردار لطیف کھوسہ کا دعویٰ

کارکنان کی تعداد دیکھ کرحکومت گھٹنے ٹیک چکی تھی، بانی پی ٹی آئی سے ملاقات کیلئے جیٹ فراہم کیا گیا

لاہور( ڈیلی پاکستان آن لائن)پاکستان تحریک انصاف کے مرکزی رہنما سردارلطیف کھوسہ نے کہا ہے کہحکومت بانی پی ٹی آئی کی رہائی کے لیے تیار تھی، حکومت کا مطالبہ تھا پہلے احتجاج کوموخرکریں ، حکومتی مطالبے پر مذاکرات ڈیڈ لاک کا شکارہوئے،کارکنان کی تعداد دیکھ کرحکومت گھٹنے ٹیک چکی تھی، بانی پی ٹی آئی سے ملاقات کے لیے حکومت نے جیٹ فراہم کیا، پی ٹی آئی احتجاج میں بشری بی بی کی موجودگی سے کارکنان میں جوش وجذبہ پیدا ہوا، علی امین گنڈا پور چاہتے تھے بشری بی بی احتجاج میں شامل نہ ہوں، وزیر اعلی خیبر پختونخوا ہ کا خیال تھا ہمیں بشری بی بی کی حفاظت کرنا پڑے گی۔نجی ٹی وی سے گفتگو کرتے ہوئے انہوں نے کہا کہ علی امین گنڈا پوراحتجاج کولیڈ کررہے تھے، کارکنان کی تعداد دیکھ کرحکومت گھٹنے ٹیک چکی تھی، بانی پی ٹی آئی سے ملاقات کے لیے حکومت نے جیٹ فراہم کیا، چھوٹے طیارے کے ذریعے بیرسٹرسیف کواڈیالہ بھیجا گیا۔انہوں نے کہا کہ حکومت بانی پی ٹی آئی کی رہائی کے لیے تیار تھی، حکومت کا مطالبہ تھا کہ پہلے احتجاج کوموخرکریں ۔حکومت نے سنگجانی میں احتجاج کرنے کا کہا، سنگجانی کے لیے پارٹی میں کسی نے رضا مندی کا اظہارنہیں کیا تھا۔ انہوں نے بلاول بھٹو پر تنقید کے نشتر چلاتے ہوئے کہا کہ بلاول بھٹوابھی سیاسی میچورنہیں ہوئے۔