حوثیوں کا بھی وہی حال کریں گے جو حماس اور حزب اللہ کا کیا ، اسرائیلی دھمکی

نیویارک(ڈیلی پاکستان آن لائن)اقوام متحدہ میں اسرائیل کے سفیر نے خبردار کیا ہے کہ ایرانی حمایت یافتہ حوثیوں نے اسرائیل پر میزائل حملے نہ روکے تو حوثیوں کو بھی اسی خطرے کا سامنا ہوگا جس قابل رحم قسمت سے حماس اور حزب اللہ کے بعد بشار الاسد کو گزرنا پڑا ہے۔غیرملکی خبررساں ادارے کے مطابق اسرائیلی سفیر ڈینی ڈانون نے ایران کی طرف اشارہ کرتے ہوئے کہا کہ اسرائیل کے پاس ایسی قوت موجود ہے کہ وہ مشرق وسطی میں ایران سمیت کسی بھی ہدف کو نشانہ بنا سکتا ہے۔ اس لیے اسرائیل ایرانی حمایت یافتہ ‘پراکسیز’ کے حملوں کو برداشت نہیں کرے گا۔