حج درخواستوں کی وصولی کا آج آخری روز

لاہور(ڈیلی پاکستان آن لائن )حج درخواستوں کی وصولی کا آج 17 دسمبر کو آخری دن ہے۔ترجمان کے مطابق 17 دسمبر تک موصول تمام درخواستیں پہلے آئیے پہلے پائیے کے تحت کامیاب تصور ہوں گی جبکہ وزارت مذہبی امور نے حج واجبات کی دوسری قسط 19 تا 27 دسمبر تک نامزد بینکوں میں جمع کروانے کا کہا ہے ۔ ترجمان نے کہا ہے کہ درخواست گزار نئے اعلانات کیلئے موبائل ایپ پاک حج اپنے سمارٹ فون پر لازمی ڈان لوڈ کرلیں، بینکوں کو موصولہ درخواستیں وزارت کے آن لائن پورٹل پر 17 دسمبر کی 9 بجے تک لازمی اپ لوڈ کرنے کی ہدایت کی گئی ہے۔علاوہ ازیں وزارت مذہبی امور نے انتباہ جاری کرتے ہوئے کہا ہے کہ نامکمل درخواستوں کے ذمہ دار درخواست گزار ہوں گے ، واجبات کی دوسری قسط جمع کروانے کے بعد دستیاب خالی نشستوں پر درخواستیں طلب کرنے کا اعلان کیا جا سکتا ہے۔