جوڈیشل کمیشن کا اجلاس 14دسمبر کو طلب

لاہور،بلوچستان ہائیکورٹس  میں ججز کی تقرری زیر غور آئے گی،ذرائع

اسلام آباد(ڈیلی پاکستان آن لائن )چیف جسٹس پاکستان یحیی آفریدی نے جوڈیشل کمیشن کا اجلاس 14دسمبر کو طلب کرلیا جس میں لاہور اور بلوچستان ہائیکورٹس میں ججز کی کی تقرریوں پر غور ہوگا۔
میڈیا رپورٹ میں ذرائع کے حوالے سے کہا گیا ہے کہ لاہور ہائی کورٹ میں 7ایڈیشنل ججز کی تقرری پر غور ہوگاجن میں صدیق اعوان، علی مسعود حیات، حسن نواز مخدوم ، عامر ملک، ضیا ء الرحمان اور جواد ظفراورملک اویس خالد کے نام شامل ہیں۔بلوچستان ہائیکورٹ کے لیے محمد آصف ،ظہور احمد ،محمد افضل اور محمد ایوب خان کے ناموں پر بھی غور کیا جائے گا۔6 دسمبر کو پشاور اور سندھ ہائی کورٹس میں ججز کی تقرری پر غور کیلئے اجلاس پہلے سے شیڈول ہے ۔