جناح ہائوس جلائو گھیرائو کیس میں اہم پیشرفت، مزید 5 ملزمان بیگناہ قرار

لاہور ( ڈیلی پاکستان آن لائن) جناح ہائوس جلائو گھیرائو کیس میں اہم پیشرفت، جوائنٹ انویسٹی گیشن ٹیم نے مزید 5ملزمان کو بے گناہ قرار دے دیا۔لاہور کی انسداد دہشت گردی عدالت کے جج منظر علی گل نے جناح ہائوس جلائو گھیرائو کے مقدمے کی سماعت کی، جے آئی ٹی کی جانب سے رپورٹ پیش کی گئی، رپورٹ میں جے آئی ٹی نے مزید 5ملزمان کو بے گناہ قرار دے دیا۔دوران سماعت پانچ ملزمان نے ضمانتیں واپس لینے کی استدعا کر دی جس پر عدالت نے ملزمان کامران، عثمان قادری، شاہد خان، شایان سعید، سید دبیر الحسن کی ضمانتیں واپس لینے کی بنیاد پر خارج کر دیں۔یاد رہے کہ ملزمان کے خلاف تھانہ سرور روڈ میں مقدمہ درج ہے۔