ججز کی خالی آسامیوں کیلئے 4 سیشن ججز سمیت 50 وکلا ء کے نام جوڈیشل کمیشن کو ارسال

رجسٹرار لاہور ہائیکورٹ عبہر گل خان ،ایڈووکیٹ جنرل پنجاب خالد اسحاق کا نام بھی فہرست میں شامل
لاہور( ڈیلی پاکستان آن لائن)لاہور ہائیکورٹ میں ججز کی خالی آسامیاں پر کرنے کیلئے 4 سیشن ججز سمیت 50 وکلا ء کے نام جوڈیشل کمیشن کو ارسال کر دیئے گئے۔رجسٹرار لاہور ہائیکورٹ عبہر گل خان اور ایڈووکیٹ جنرل پنجاب خالد اسحاق کا نام بھی فہرست میں شامل ہیں ۔ جوڈیشل کمیشن کا اجلاس چیف جسٹس پاکستان یحیی آفریدی کی سربراہی میں 6فروری کو ہوگا جس میں لاہور ہائیکورٹ میں ایڈیشنل ججز کی تعیناتی کے لئے 50ناموں میں سے 10ناموں کا چنا ئوکیا جائے ۔جوڈیشل کمیشن کی جانب سے بھجوائے گئے ناموں میں ایڈووکیٹ بلال بشیر، رانا شمشاد خان، ایم نوید فرحان، نوید احمد خواجہ، بیرسٹر حارث عظمت ، حسن نواز مخدوم، ایڈووکیٹ سردار علی اکبر ڈوگر، ایڈووکیٹ ملک وقار حیدر اعوان، ایڈووکیٹ اسد محمود عباسی، سید احسن رضا کاظمی ،ایڈووکیٹ محمد اویس خالد، ایڈووکیٹ جنرل چودھری سلطان محمود،محمد جواد ظفر کا نام بھی تجویز کیا گیا ہے۔ سیشن ججز میںقیصر نذیر بٹ، سیشن جج محمد اکمل خان، سیشن جج جزیلہ اسلم، ایڈووکیٹ حیدر رسول مرزا، منور اسلام ،ایڈووکیٹ رافع ذیشان ، جاوید الطاف، بیرسٹر قاسم علی چوہان، عاصمہ حامد ، صائمہ خالد محمود ، ایڈووکیٹ ملک جاوید اقبال وینس، ایڈووکیٹ حسیب شکور پراچہ، ایڈووکیٹ شیگن اعجاز، ایڈووکیٹ ثاقب جیلانی اورایڈووکیٹ آیان طارق بھٹہ کے نام شامل ہیں۔اسی طرح ایڈووکیٹ نوازش پیرزادہ، صباحت رضوی، عنبرین راجہ، ایڈووکیٹ انتخاب شاہ، ایڈووکیٹ محمد اورنگزیب، ایڈووکیٹ مغیث اسلم ملک، ہما اعجاز ، غلام حسن، چودھری اقبال ،ایڈووکیٹ مقتدر اختر شبیر، سلمان احمد،عثمان ساہی، نجف مزمل خان،عدنان شجاع بٹ ، ایڈووکیٹ بشری قمر ،محمد زبیر خالد، مشتاق احمد موہل، رضوان اختر اعوان، ایڈووکیٹ ساجد خان تنولی اور قادر بخش کے نام بھی جوڈیشل کمیشن کو بھجوا ئے گئے ہیں۔