تھانہ شادمان جلا ئوگھیرا ئوکیس،شاہ محمود، یاسمین راشد سمیت دیگر پر فرد جرم عائد

لاہور( ڈیلی پاکستان آن لائن)انسداد دہشتگردی کی خصوصی عدالت نے تھانہ شادمان جلا ئوگھیرا ئوکیس میں پی ٹی آئی رہنمائوں شاہ محمود قریشی، ڈاکٹر یاسمین راشد اور میاں محمود الرشید پر فرد جرم عائد کر دی۔اے ٹی سی عدالت کے جج مناظر علی گل نے کوٹ لکھپت جیل میں سماعت کی اور فرد جرم پڑھ کر سنائی۔عدالت نے تھانہ شادمان جلا گھیرا کے مقدمے میں فرد جرم عائد کرتے ہوئے آئندہ سماعت پر گواہوں کو طلب کر لیا اور سماعت 19 دسمبر تک ملتوی کر دی۔اس کے علاوہ عدالت نے عسکری ٹاور جلا ئوگھیرا ئوسمیت دیگر مقدمات میں کارروائی 23 دسمبر تک ملتوی کر دی۔