تاریخ میں پہلی بار 300کروڑ کے چالان

لاہوریوں نے ٹریفک قوانین کی خلاف ورزیوں کے تمام ریکارڈ توڑ دیئے
لاہور ( ڈیلی پاکستان آن لائن) سال 2024ء میں لاہوریوں نے ٹریفک قوانین کی خلاف ورزیوں کے تمام ریکارڈ توڑ دیئے۔ٹریفک پولیس نے تاریخ میں پہلی بار تین سو کروڑ کے چالان کر ڈالے۔تفصیلات کے مطابق ٹریفک پولیس لاہور نے رواں سال 56لاکھ سے زائد ٹریفک خلاف ورزیوں پر چالان کئے،سب سے زیادہ خلاف ورزی کرنے والوں میں موٹر سائیکل سوار ہمیشہ کی طرح سرفہرست رہے۔ٹریفک پولیس نے 34لاکھ سے زائد موٹر سائیکل سواروں کے چالان کئے۔چنگ چی رکشہ کے دوسرے نمبر پر سب سے زیادہ چالان ہوئے تعداد 11لاکھ رہی۔پولیس ریکارڈ کے مطابق لین لائن کی خلاف ورزی پر لاہوریوں کے 17لاکھ سے زائد چالان ہوئے ،ہیلمنٹ کا استعمال نہ کرنے پر لاہوریوں کے 6لاکھ سے زائد چالان ہوئے۔ٹریفک پولیس نے تاریخ میں پہلی بار تین سو کروڑ کے چالان کر ڈالے۔