بھارت نظر انداز،بنگلہ دیش نے پاکستان سے 25ہزار ٹن چینی خرید لی

اسلام آباد/ڈھاکہ (ڈیلی پاکستان آن لائن )بنگلہ دیش نے کئی دہائیوں بعد پاکستان سے چینی کی خریداری کی ہے ،25ہزار ٹن اعلی معیار کی چینی آئندہ ماہ کراچی پورٹ سے بنگلہ دیش کی چٹاگانک پورٹ پر پہنچ جائے گی۔ میڈیا رپورٹ میں سفارتکاروں کے حوالے سے بتایاگیا ہے کہ کئی دہائیوں کے بعد پاکستانی چینی کی اتنی بڑی مقدار بنگلہ دیش بھجوا رہی ہے۔بنگلہ دیش اس سے پہلے بھارت سے چینی درآمد کرتا رہا ہے۔پاکستان شوگر انڈسٹری نے اس سال وزیراعظم شہباز شریف کی منظوری سے کم و بیش 6لاکھ ٹن چینی کے سودے کر لئے ہیں۔ اس میں سے وسطی ایشیائی ریاستوں کے ساتھ 70ہزار ٹن کے سودے کئے ہیں۔ تھائی لینڈ نے 50ہزار ٹن چینی شوگر انڈسٹری سے خریدی ہے۔