بانی پی ٹی آئی عمران خان کی مزید4مقدمات میں گرفتار ی کا فیصلہ

اسلام آباد/راولپنڈی(ڈیلی پاکستان آن لائن)بانی پی ٹی آئی عمران خان کی مزید 4 مقدمات میں گرفتار ی کا فیصلہ کیا گیا ہے ۔اس سلسلہ میں تفتیشی ٹیمیں بانی پی ٹی آئی عمران خان کی گرفتار ی ڈالنے کیلئے اڈیالہ جیل پہنچ گئیں۔تفتیشی ٹیمیں چاروں مقدمات میں عمران خان کی گرفتاری ڈالنے کے بعد جوڈیشل ریمانڈ پر جیل بھیجنے کی استدعا کریں گی۔یاد رہے کہ عمران خان پہلے ہی جیل میں قید ہیں اور ان کی مختلف مقدمات میںگرفتاری ڈال کر جیل میں ہی تفتیش کی جارہی ہے۔