باباوانگا کی شام کی تباہی ، تیسری جنگِ عظیم کی پیشگوئیاں سچ ثابت ہونگی؟

(ڈیلی پاکستان آن لائن)بلغاریہ کی نابینا خاتون باباوانگا کی جانب سے کی گئی پیش گوئیوں میں کہا گیا ہے کہ جیسے ہی شام تباہ ہو گا مغرب اور مشرق کے درمیان ایک عظیم جنگ ہو گی۔غیر ملکی میڈیا کی رپورٹس کے مطابق گزشتہ روز شام سے سامنے آنے والی خبروں کے بعد نابینا خاتون باباوانگا کی تیسری جنگ اعظم سے متعلق برسوں قبل کی گئی پیش گوئی سچ ثابت ہوتی دکھائی دے رہی ہے۔بلغاریہ سے تعلق رکھنے والی نابینا نجومی آنجہانی بابا وانگا نے مرنے سے قبل کئی پیش گوئیاں کر رکھی ہیں، جن میں سے ایک شام کی تباہی سے متعلق بھی ہے۔ان کے پیش گوئیوں کے مطابق جیسے ہی شام تباہ ہوگا مغرب اور مشرق کے درمیان ایک عظیم جنگ ہو گی۔بابا وانگا کے مطابق موسمِ بہار میں مشرق میں جنگ شروع ہو گی جو تیسری عالمی جنگ ہو گی، مشرق میں ہوئی جنگ مغرب کو تباہ کر دے گی۔بابا وانگا کی پیش گوئیاں درست ثابت ہونے کی صورت میں آئندہ چند ماہ میں تیسری عالمی جنگ چھڑنے کا خدشہ بھی ظاہر کیا جا رہا ہے۔اسی طرح بابا وانگا نے مرنے سے قبل گزشتہ سالوں کی طرح 2025 کے حوالے سے بھی کچھ پیش گوئیاں کی تھیں، جن کے مطابق 2025 میں یورپ میں تباہ کن جنگ ہو گی اور آبادی میں نمایاں کمی واقع ہوگی، زوال اور تباہی کا عمل آئندہ برس سے شروع ہو جائیگا۔بابا وانگا نے یورپ میں ایک بڑے تنازع کی پیش گوئی کر رکھی ہے جو 2025 تک براعظم کی آبادی کو تباہ کرے گی، یہ پیش گوئی جو خاص طور پر جاری جیو پولیٹیکل تناو کی روشنی میں پریشان کن ہے۔ان کا دعوی تھا کہ کائنات میں ایک ایسا واقعہ رونما ہو گا جس کا کوئی سوچ بھی نہیں سکتا، دنیا کا خاتمہ 2025 میں شروع ہو گا لیکن انسانیت 5079 تک مکمل طور پر ختم نہیں ہوگی۔ یورپ میں تنازع کے علاوہ، بابا وانگا نے پیش گوئی کی ہے کہ 2043 تک یورپ مسلم حکمرانی میں آئے گا اور 2076 تک کمیونسٹ حکمرانی عالمی سطح پر واپس آ جائے گی۔2025 کے لیے بابا وانگا کی خطرناک پیش گوئیاں عالمی امن و استحکام کی نزاکت کی یاد دہانی کے طور پر کام کرتی ہیں جس سے انسانیت کے درپیش چیلنجز جیو پولیٹیکل تناو، ماحولیاتی انحطاط اور معاشرتی بدامنی پر جاری چیلنجوں کی عکاسی ہوتی ہے چونکہ دنیا غیر یقینی صورتِ حال سے دو چار ہے۔بابا وانگا کے مطابق انسان 2028 تک زہرہ پر جائے گا، 2170 میں دنیا میں شدید قحط، 3005 میں انسان مریخ پر ہو گا اور وہاں جنگ ہو گی۔ 3797 سے زمین کی تباہی کا آغاز ہو گا اور 5079 کائنات کے خاتمے کا سال ہو گا۔واضح رہے کہ بابا وانگا کے ماننے والوں کے مطابق آنجہانی نجومی نے شہزادی ڈیانا کی موت، سویت یونین کے خاتمے، جرمنی کے مشرق اور مغرب کے اتحاد، 9/11 کے دہشت گرد حملے، 2004 میں تھائی لینڈ کے سونامی، عالمی وبا کورونا وائرس، چرنوبل کی تباہی اور بریگزٹ جیسے بڑے عالمی واقعات اور 2022 کے حوالے سے کی گئی پیشگوئیاں یعنی خطرناک زلزلے اور سیلاب کا خطرہ اور پینے کے پانی کی قلت سچ ثابت ہوئیں۔