ایران شام میں اپنی سرگرمیاں بند کر دے، امریکا

ایران طویل عرصے سے دہشت گردی کو پروان چڑھا رہا ہے،ویدانت پٹیل
واشنگٹن (ڈیلی پاکستان آن لائن )امریکا نے ایران سے کہا ہے کہ وہ شام میں اپنی سرگرمیاں بند کر دے۔ غیرملکی خبررساں ادارے کے مطابق ایک بیان میں امریکی محکمہ خارجہ کے نائب ترجمان ویدانت پٹیل نے کہا ہے کہ ایران طویل عرصے سے دہشت گردی کو پروان چڑھا رہا ہے۔ انھوں نے کہا کہ امریکا ایران میں نوبیل انعام یافتہ نرگس محمدی کی رہائی سے آگاہ ہے۔ نرگس محمدی کو طبی بنیادوں پر 21 دنوں کے لیے رہا کیا گیا ہے۔ انھوں نے مطالبہ کیا کہ نرگس محمدی کو غیرمشروط رہا کیا جائے۔واضح رہے کہ نرگس محمدی کو 2021 میں حجاب کی پابندی اور سزائے موت کے خلاف آواز اٹھانے پر گرفتار کیا گیا تھا۔