انسداد دہشتگردی عدالت کا عمر ایوب ، راجہ بشارت دیگر کو رہا کرنے کا حکم

راولپنڈی( ڈیلی پاکستان آن لائن )انسداد دہشتگردی عدالت نے دہشتگردی کے مقدمات میں گرفتار پاکستان تحریک انصاف کے رہنمائوں عمر ایوب اور راجہ بشارت کو رہا کرنے کا حکم دے دیا۔پی ٹی آئی رہنماں عمرایوب ، راجہ بشارت اور احمد چٹھہ کو راولپنڈی کی انسداد دہشتگردی عدالت میں پیش کیا گیا، اے ٹی سی کے جج امجد علی شاہ نے مقدمات پر سماعت کی، پی ٹی آئی کی جانب سے بابر اعوان سمیت دیگر وکلا ء عدالت پیش ہوئے۔دوران سماعت عدالت نے عمر ایوب و دیگر پی ٹی آئی رہنماں کی گرفتاری پر برہمی کا اظہار کرتے ہوئے ریمارکس میں کہا کہ پشاور ہائیکورٹ سے ضمانت ہونے کے باوجود کیوں گرفتار کیا۔بعدازاں عدالت نے اپوزیشن لیڈر قومی اسمبلی عمرایوب، سابق صوبائی وزیر راجہ بشارت، راجہ ماجد، احمد چٹھہ اور ملک عظیم کو رہا کرنے کا حکم دے دیا۔یاد رہے کہ گزشتہ روز جی ایچ کیو حملہ کیس میں فرد جرم عائد ہونے کے بعد پی ٹی آئی رہنماں کو اڈیالہ جیل سے گرفتار کیا گیا تھا۔