امریکہ کی ایران پر مزید اقتصادی پابندیاں عائد

واشنگٹن(ڈیلی پاکستان آن لائن )امریکہ ایران کے خلاف پابندیوں کو مزید بڑھ کر پابندیوں کی تازہ اقدام کے تحت 35 ایرانی شخصیات اور شعبوں یا اداروں کو زد میں لیا گیا ہے تاکہ ایران کا بین الاقوامی آئل مارکیٹ سے رابطہ منقطع رہے۔میڈیارپورٹس کے مطابق امریکی محکمہ خزانہ نے کہاکہ اس سے پہلے ایران پر 11 اکتوبر کو پابندیاں لگائی گئی تھیں جو ایران کے اسرائیل پر یکم اکتوبر کے حملے اور جوہری پروگرام کو آگے بڑھانے کے اعلان کی پاداش میں عائد ہوئی تھی۔امریکی محکمہ خزانہ کو اس پر اعتراض ہے کہ ایران ابھی تک اپنا تیل فروخت کر رہا ہے اور اپنا پیسہ جوہری پروگرام پر خرچ کر رہا ہے۔ نیز امریکہ اور دوسرے ترقی یافتہ ملکوں کی طرح بغیر پائلٹ اڑنے والے ڈرونز بنانے اور سائنسی میدان میں ترقی کے لیے بھی خرچ کر رہا ہے۔امریکہ کی نئی پابندیوں کے اثرات ایرانی معیشت،جوہری پروگرام اور میزائل پروگرام پر بھی مرتب ہوں گے۔ یہ پابندیاں فوری طور پر نافذالعمل ہوں گی۔