اسٹاک ایکسچینج میں شیئرز فروخت کی رقم اب ایک دن میں ملے گی

شیئرز کی خرید و فروخت اورتصفیہ کا نیاسسٹم متعارف کرایا جائے گا، نیشنل کلیئرنگ کمپنی
کراچی(ڈیلی پاکستان آن لائن )سرمایہ کاروں کیلئے بڑی سہولت، اسٹاک ایکسچینج میں شیئرز فروخت کی رقم اب ایک دن میں ملے گی۔اسٹاک ایکسچینج میں پہلے شیئرز کی رقم دو دن بعد سیٹلمنٹ کے ذریعے ملتی تھی، اب ٹی پلس ٹو کا فارمولا ختم کرکے ٹی پلس زیرو کا فارمولا اپنایا جائے گا۔نیشنل کلیئرنگ کمپنی آف پاکستان شیئرز کی خرید و فروخت اورتصفیہ کا نیا سسٹم متعارف کرائے گی، نیشنل کلیئرنگ کمپنی 23 دسمبر 2024 سے شیئرز ٹریڈنگ کیلئے نیاسیٹلمنٹ سسٹم نافذ کردے گی۔ این سی سی پی ایل کے جاری کردہ نوٹس میں کہا گیا ہے کہ اسٹاک ایکسچینج کے ذریعے تمام ٹی او ٹریڈرز نئے سیٹلمنٹ سسٹم کے ذریعے کام کریں گے، شئیرز فروخت کرنے والے اکائونٹ سے شیئرز خریدنے والے اکائونٹ میں ایک روز میں رقم منتقل ہوگی۔نوٹس میں کہا گیا ہے کہ شیئرز کی فروخت کے بعد جزوی رقم کی ادائیگی قبول نہیں ہوگی، ٹریڈنگ میکانزم کوسمجھنے کیلئے مینجمنٹ بروکیج ہائوسز کیلئے آگاہی سیشن منعقد کرے گی۔