اسلام آباد ائیرپورٹ کی نجکاری کیلئے فنانشل بڈ، ترک کمپنی کی بڑی پیشکش

کراچی(ڈیلی پاکستان آن لائن)نیو اسلام آباد انٹرنیشنل ائیرپورٹ کی آؤٹ سورسنگ کیلئے فنانشل بڈ کھولی گئی۔فنانشل بڈ کھولنے کی تقریب کراچی میں پاکستان ائیرپورٹ اتھارٹی ہیڈکوارٹر میں ہوئی جس دوران بڈ میں شارٹ لسٹ ہونے والی واحد ترک کمپنی نے حصہ لیا۔ ترجمان پاکستان ائیرپورٹ اتھارٹی کے مطابق کمپنی نے اسلام آباد انٹرنیشنل ائیرپورٹ کی آمدنی کا 47.25 فیصد حصہ دینے کی پیشکش کی ہے۔پی آئی اے ذرائع کا بتانا ہے کہ ترک کمپنی کی پیشکش کے جائزے کیلئے ٹرانزیکشن ایڈوائزرآئی ایف سی میں بھیجی جائیگی، آئی ایف سی اپنی جائزہ رپورٹ 9 جنوری تک پی ایاے کوپیش کریگا تاہم ترک کمپنی کی پیش کش کی حتمی منظوری وفاقی کابینہ دے گی۔