اساتذہ کے تبادلوں کے اختیارات سی ای اوز کو دینے کا فیصلہ

سی ای او ایجوکیشن اختیارات ملتے ہی ضرورت کے تحت اساتذہ کے تبادلے کرسکیں گے
لاہور( ڈیلی پاکستان آن لائن)پنجاب بھر کے ہزاروں اساتذہ کی ریشنلائزیشن کے لئے اختیارات سی ای اوز کو دینے کا فیصلہ کر لیا گیا، سی ای او ایجوکیشن اختیارات ملتے ہی ضرورت کے تحت اساتذہ کے تبادلے کرسکیں گے۔تفصیلات کے مطابق اساتذہ کو ان سکولوں میں ٹرانسفر کیا جائے گا جہاں ان کی کمی ہوگی،سکولوں میں 40طلبا پر ایک ٹیچر کے فارمولے کے تحت تعداد ضرورت کو پورا کیا جائے گا ۔صوبائی وزیر تعلیم رانا سکندرحیات کا کہنا تھا کہ پنجاب بھر میں میرٹ پر ڈپٹی ڈی ای اوز کی تعیناتیاں کا عمل جلد مکمل کرلیا جائے گا، ڈپٹی ڈی ای اوز کی تعیناتیوں کے بعد اختیارات سی ای اوز کو دیئے جائیں گے۔