اقوام متحدہ کے مطابق ستمبر کے آغاز سے یمن میں لڑائی کے باعث کم از کم 125,000 افراد بے گھر ہو چکے ہیں
اقوام متحدہ کی سلامتی کونسل نے حوثیوں کی جانب سے سعودی عرب پر جاری حملوں کی سخت الفاظ میں مذمت کی ہے۔
میڈیا رپورٹس کے مطابق 18 ستمبر کو جاری مؤقف میں کونسل نے خاص طور پر سعودی عرب کے شہریوں اور توانائی کے بنیادی ڈھانچے کو نشانہ بنانے والے حملوں پر تشویش ظاہر کی، جن میں خواتین اور بچوں سمیت شہری زخمی ہوئے۔
سلامتی کونسل نے حوثیوں سے فوری طور پر فوجی کشیدگی اور سعودی عرب پر حملے روکنے کا مطالبہ کیا۔
کونسل نے سعودی عرب کے اپنے دفاع کے حق کو بین الاقوامی قانون کے مطابق تسلیم کیا۔ بحیرۂ احمر اور باب المندب میں تجارتی جہازوں کو لاحق خطرات اور حملوں کی بھی مذمت کی گئی۔
رکن ممالک نے حوثیوں تک اسلحہ، فوجی تربیت، تکنیکی معاونت اور مالی وسائل کی رسائی روکنے کے لیے عملی اقدامات پر زور دیا۔
اقوام متحدہ کے مطابق ستمبر کے آغاز سے یمن میں لڑائی کے باعث کم از کم 125,000 افراد بے گھر ہو چکے ہیں۔ کونسل نے حوثیوں سے 73 اقوام متحدہ کے اہلکاروں سمیت زیرِ حراست افراد کو فوری اور غیر مشروط طور پر رہا کرنے کا بھی مطالبہ کیا۔
