پولیس کی گرفتار افراد کو ٹیلر سوئفٹ کے گانے بار بار سنانے کی دھمکی
دریشم 3 نے بیٹے کو قاتل بنا دیا، 2000 کلومیٹر سفر طے کر کے باپ کو کیسے قتل کیا؟
ویڈیو: نوجوان نے بلندی سے گرنے والے بچے کو عین وقت پر بچا لیا
سی این جی بھروانے کے دوران کار میں زوردار دھماکا، فوٹیج جاری
انسٹاگرام کا خفیہ فیچر سامنے آگیا، جس ذریعے صارف اب کوئی نشان چھوڑے بغیر براؤزنگ کرسکیں گے۔ لائک، کمنٹ، میسج، فالو اور اسٹوریز دیکھنے کی سہولت بھی بند ہوگی۔
میٹا کی زیر ملکیت فوٹو شیئرنگ ایپ انسٹاگرام میں ریڈ اونلی موڈ نامی نئے فیچر کی آزمائش کی جا رہی ہے۔ جس کے ذریعے صارفین پلیٹ فارم پر موجود مواد کو دیکھ تو سکیں گے، تاہم ان کی سرگرمیوں کا کوئی نشان باقی نہیں رہے گا۔
میڈیا رپورٹ کے مطابق ٹیکنالوجی سے متعلق معلومات سامنے لانے والے لیکر اور ریورس انجینئر الیساندرو پالوزی نے ایکس پر انسٹاگرام کے ممکنہ نئے فیچر کی تفصیلات شیئر کی ہیں، جسے ریڈ اونلی موڈ کا نام دیا گیا ہے۔
#Instagram is working on a new perk for Instagram Plus: Read-Only Mode 👀 ℹ️ Browse a profile in read-only mode, preventing you from liking, commenting, messaging, following, or viewing stories. https://t.co/eQIDjAnn1c — Alessandro Paluzzi (@alex193a) October 3, 2026
#Instagram is working on a new perk for Instagram Plus: Read-Only Mode 👀
ℹ️ Browse a profile in read-only mode, preventing you from liking, commenting, messaging, following, or viewing stories. https://t.co/eQIDjAnn1c
— Alessandro Paluzzi (@alex193a) October 3, 2026
سامنے آنے والے اسکرین شاٹس کے مطابق ریڈ اونلی موڈ فعال ہونے کے بعد صارف انسٹاگرام پر مواد دیکھ سکے گا، تاہم اسے لائک، کمنٹ، پیغام بھیجنے، کسی کو فالو کرنے یا اسٹوریز دیکھنے کی اجازت نہیں ہوگی۔
اس طرح صارف پلیٹ فارم پر موجود مواد کو براؤز تو کرسکے گا، لیکن اس کی جانب سے عام طور پر نظر آنے والی کوئی سرگرمی ریکارڈ نہیں ہوگی۔
نئی دستیاب معلومات سے یہ عندیہ ملتا ہے کہ یہ فیچر ممکنہ طور پر انسٹاگرام پلس اکاؤنٹس کے لیے زیرِ غور ہے، تاہم انسٹاگرام نے واضح کیا ہے کہ فی الحال یہ فیچر عام صارفین کے لیے آزمائشی مرحلے میں بھی نہیں ہے۔
انسٹاگرام کے ترجمان نے ٹیکنالوجی ویب سائٹ کو بتایا کہ ریڈ اونلی موڈ صرف اندرونی سطح پر کیا جانے والا تجربہ ہے اور اسے بیرونی طور پر بالکل بھی ٹیسٹ نہیں کیا جارہا۔ اس لیے اس فیچر کی حتمی لانچ کے بارے میں بھی فی الحال کچھ کہنا ممکن نہیں۔
انسٹاگرام نے فی الحال اس فیچر کے ممکنہ حفاظتی خدشات یا مستقبل میں اس کی آزمائش سے متعلق مزید تفصیلات فراہم نہیں کیں۔
انسٹاگرام کا اے آئی سے بنے پروفائلز کیخلاف سخت کارروائی کا فیصلہ
