نوجوان لڑکوں کو لوٹنے والی لٹیری دلہن فرضی رشتے داروں سمیت گرفتار، طریقہ واردات بھی سامنے آگیا

انڈہ ابالنے کا حیرت انگیز طریقہ : من پسند زردی کیسے بنے گی؟

روبوٹس کا انسانوں کے حق میں مظاہرہ!

دنیا کی سب سے ’’ دُبلی پتلی کار‘‘، ریکارڈ بُک میں نام درج

ساؤتھ انڈین سپر اسٹار یش کی فلم ’ٹاکسک‘ کو کروڑوں روپے کا دھچکا لگ گیا ہے۔

اداکار یش کی فلم ’ٹاکسک‘ کی ریلیز سے قبل بہت زیادہ ہائپ تھی لیکن باکس آفس پر یہ فلم تنقیدی اور تجارتی لحاظ سے بری طرح ناکام ثابت ہوئی۔ اس نے بھارت میں 248.24 کروڑ روپے اور بیرون ملک 43.50 کروڑ روپے کمائے ہیں جس سے اس کی عالمی مجموعی کمائی 339.32 کروڑ روپے رہی ہے۔

چونکہ اس فلم کا مبینہ بجٹ 500 کروڑ روپے سے زائد تھا، اس لیے گیتو موہن داس کی ہدایت کاری میں بننے والی یہ فلم باکس آفس پر ایک بڑی ناکامی ثابت ہوئی ہے۔

پنک ولا کی رپورٹ کے مطابق ‘ٹاکسک’ بھارتی سنیما کی تاریخ کی واحد ایسی فلم بن گئی ہے جسے تقریباً 300 کروڑ روپے کا نقصان اٹھانا پڑا ہے۔

فلم کا تخمینہ شدہ پروڈکشن بجٹ 450 کروڑ روپے تھا جبکہ تشہیر و تقسیم دیگر اخراجات کی مد میں 60 کروڑ روپے اور ڈسٹری بیوشن فیس کی مد میں 15 کروڑ روپے خرچ ہوئے، جس سے فلم کے کل اخراجات 525 کروڑ روپے تک پہنچ گئے۔

Lifestyle News – Latest Entertainment News, Celebrity Gossip

آمدنی کے لحاظ سے فلم نے ہندی ورژن سے 65 کروڑ روپے، جنوبی ہند (ساؤتھ) سے 60 کروڑ روپے اور بیرون ملک سے 20 کروڑ روپے کا تھیٹریکل شیئر حاصل کیا۔

توقع ہے کہ اس کا نان تھیٹریکل شیئر 60 کروڑ روپے ہوگا اور میوزک کے حقوق 40 کروڑ روپے میں فروخت کیے گئے تھے۔

اس طرح کل آمدنی 245 کروڑ روپے بنتی ہے ان تمام پہلوؤں کو مدنظر رکھتے ہوئے ٹاکسک کو 280 کروڑ مبینہ نقصان ہوا ہے۔