کینسر ٹاور کی تعمیر کے لیے پی سی ون کی تیاری شروع کردی گئی

پنجاب حکومت کا راولپنڈی ڈویژن کے لیے کا بڑا فیصلہ، وزیراعلیٰ مریم نواز نے ہولی فیملی اسپتال میں کینسر ٹریٹمنٹ ٹاور کی منظوری دے دی۔

راولپنڈی ڈویژن کے کسی سرکاری اسپتال میں کینسر ٹریٹمنٹ کا نظام موجود نہیں تھا، ہولی فیملی اسپتال میں کینسر ٹاور کی تعمیر کے لیے پی سی ون کی تیاری شروع کردی گئی۔

کینسر ٹاور مکمل ہونے تک ماہر ڈاکٹرز، عملہ اور ضروری طبی مشینری کی فراہمی یقینی بنائی جائے گی۔

ہولی فیملی اسپتال میں کینسر کے علاج کے لیے کیرو ایبلیشن مشین پہلے ہی پہنچ چکی ہے جس کی تنصیب کا عمل جاری ہے۔

بریسٹ، پھیپھڑوں، جگر اور گردے کے کینسر کے مریضوں کے لیے کیروایبلیشن مشین جلد فعال کردی جائے گی۔