تصاویر میں حمیرا بانو اپنے شوہر کے ساتھ خوشگوار موڈ میں دکھائی دے رہی ہیں۔

پاکستانی ڈراما انڈسٹری کی سینئر اداکارہ حمیرا بانو کی شادی گزشتہ چند روز سے سوشل میڈیا پر موضوعِ بحث بنی ہوئی ہے، اب ان کے اصلی شوہر کی تصاویر بھی منظرِ عام پر آگئی ہیں۔

حمیرا بانو نے حال ہی میں اپنی شادی کی خوشخبری مداحوں کے ساتھ شیئر کی تھی، جس کے بعد ان کے نکاح کی ایک تصویر سوشل میڈیا پر وائرل ہوئی۔

تصویر میں حمیرا بانو کے شوہر کی شکل سینئر اداکار عثمان پیرزادہ سے مشابہ دکھائی دینے پر سوشل میڈیا پر یہ افواہ پھیل گئی کہ اداکارہ نے عثمان پیرزادہ سے شادی کر لی ہے۔

View this post on Instagram

تاہم حمیرا بانو نے فوری طور پر ان خبروں کی تردید کر دی جبکہ عثمان پیرزادہ نے بھی واضح کیا کہ ان کی حمیرا بانو سے شادی کی خبریں درست نہیں۔

اب نوبیاہتا جوڑے کی نئی تصاویر سامنے آئی ہیں، جن میں حمیرا بانو اپنے شوہر کے ساتھ خوشگوار موڈ میں دکھائی دے رہی ہیں۔ نکاح کے موقع پر دونوں نے خوبصورت آئیوری رنگ کے ملبوسات زیب تن کیے۔