ملزم کونین شاہ نے گزشتہ شب اپنے سسر کے ہمراہ پروفیسر عارف ساقی کے گھر جا کر ملاقات کی

جامعہ کراچی کے پروفیسر عارف خان ساقی پر تشدد کیس میں اہم پیشرفت سامنے آئی ہے، جس میں ملزم کونین شاہ نے پروفیسر عارف خان ساقی سے ملاقات کرکے معافی مانگ لی۔

تفصیلات کے مطابق ملزم کونین شاہ نے گزشتہ شب اپنے سسر کے ہمراہ پروفیسر عارف ساقی کے گھر جا کر ملاقات کی۔ پروفیسر عارف خان ساقی نے معافی مانگنے پر ملزم کونین شاہ کو معاف کر دیا۔

پروفیسر عارف خان ساقی کے مطابق کونین علی شاہ کے والد بھی وقتاً فوقتاً گھر تشریف لاتے رہے ہیں، تاہم اب صلح ہوگئی، حادثے کے نتیجے میں بھتیجے کی گاڑی کو پہنچنے والے نقصان کا ازالہ بھی کر دیا گیا۔

سندھ گرین ریسٹورنٹ کے مالک کے بیٹے کا جامعہ کراچی کے سنیئر پروفیسر پر شدید تشدد، لہولہان کردیا

تشدد کرنے والوں کو معاف نہیں کروں گا، انہیں سبق ملنا ضروری ہے، پروفیسر عارف ساقی

جامعہ کراچی کے پروفیسر پر تشدد، ملزم کے والد معافی مانگنے انکے گھر پہنچ گئے

واضح رہے کہ تشدد کیس کا ملزم کونین شاہ عدالت سے ضمانت پر ہے۔

تھانہ سچل کی حدود میں 8 ستمبر کو صفورا چورنگی کے قریب جامعہ کراچی کے شعبہ اسلامک لرننگ کے چیئر مین عارف ساقی کو سندھ گرین ریسٹورنٹ کے مالک کے بیٹے کی جانب سے تشدد کا نشانہ بنایا گیا تھا۔