جاں بحق شخص اور زخمیوں کو اسپتال منتقل کر دیا گیا ہے

شہر قائد میں فائرنگ کے مختلف واقعات میں ایک شخص جاں بحق جبکہ 2 افراد زخمی ہوگئے۔

ایدھی حکام کے مطابق لیاقت آباد 10 نمبر ناز اسکول کے قریب پراسرار فائرنگ سے 15 سالہ لڑکا زخمی ہوگیا، جس کی شناخت محمد حسیب کے نام سے ہوئی۔

زخمی نوجوان کو طبی امداد کے لیے سول اسپتال منتقل کردیا گیا۔

دوسری جانب سپر ہائی وے فقیرا گوٹھ چاند بنگلے کے قریب فائرنگ کے واقعے میں ایک شخص جاں بحق جبکہ ایک زخمی ہوگیا۔

چھیپا حکام کے مطابق جاں بحق شخص کی شناخت عامر اور زخمی کی شناخت کامران کے نام سے ہوئی، دونوں کو عباسی شہید اسپتال منتقل کردیا گیا۔