ایک ملک کے وزیراعظم پر موبائل فون چوری کا الزام، پارلیمنٹ نے استثنیٰ ختم کر دیا!

اہلیہ کے علاج کیلیے مسلسل جدوجہد، 81 سالہ شوہر کی ویڈیو نے سب کو رُلا دیا

پکوڑے کے اسٹال میں ’چٹنی‘ نہ ملنے پر لاتیں اور مُکے چل گئے، ویڈیو وائرل

جاپانی شخص کئی سالوں تک غیرآباد مکان کا کرایہ کیوں دیتا رہا؟؟

کیلیفورنیا: ایپل نے آئی فون 18 پرو اور پرو میکس میں ری بوٹ ہونے کی بڑی خرابی دور کرتے ہوئے نیا iOS 27.0.1 اپ ڈیٹ جاری کردیا۔

تفصیلات کے مطابق امریکی تکنیکی کمپنی ایپل نے 29 ستمبر 2026 کو نیا سافٹ ویئر اپ ڈیٹ iOS 27.0.1 جاری کر دیا ہے، جس کے ذریعے ‘آئی فون 18 پرو’ اور ‘آئی فون 18 پرو میکس’ کے صارفین کو درپیش ایک سنگین سافٹ ویئر بگ کو حل کر دیا گیا ہے۔

اس خرابی کی وجہ سے فیس آئی ڈی (Face ID) ناکام ہونے پر فون یکلخت فریز ہو کر خود بخود ری بوٹ (بند ہو کر دوبارہ آن) ہو جاتا تھا۔

ایپل نے معتبر ٹیک ویب سائٹ سے بات کرتے ہوئے تصدیق کی ہے کہ نئے سافٹ ویئر اپ ڈیٹ کے ذریعے اس مسئلے کا باقاعدہ حل کر دیا گیا ہے۔

یہ خرابی مرکزی لاک اسکرین کے فیس آئی ڈی پر اثر انداز نہیں ہو رہی تھی، بلکہ پاس ورڈز ایپ ، سفاری پرائیویٹ ٹیبز، اور دیگر بائیو میٹرک لاک والی ایپس کو کھولتے وقت سامنے آ رہی تھی۔

جب بھی فیس آئی ڈی کی شناخت ناکام ہوتی، فون کا ٹچ کام کرنا چھوڑ دیتا اور چند سیکنڈز کے اندر ڈیوائس خود بخود ری بوٹ ہو جاتی۔

اس خرابی کی بنیادی وجہ آئی فون 18 پرو کا نیا فیس آئی ڈی سینسر سسٹم تھا، ایپل نے ‘انفراریڈ کیمرہ’ اسکرین کے پیچھے اسٹیٹس بار کلاک کے قریب منتقل کیا تھا جس سے ‘ڈائنامک آئی لینڈ’ کا سائز 25 فیصد تک چھوٹا ہو گیا تھا، اسی نچلی سطح کی تبدیلی کے باعث ابتدائی iOS 27 میں یہ بگ پیدا ہوا۔

ابتدائی طور پر کچھ صارفین نے اسے ہارڈ ویئر کا نقص سمجھ کر اپنے فونز تبدیل کرنے کی کوشش کی، تاہم ایپل نے واضح کیا کہ یہ صرف ایک سافٹ ویئر کی خرابی تھی۔

ایپل نے انتہائی زبردست اور تیز رفتار ردِعمل کا مظاہرہ کرتے ہوئے رپورٹ سامنے آنے کے چند ہی ہفتوں میں اپ ڈیٹ جاری کر دیا۔ اس کے ساتھ ہی کمپنی نے watchOS 27.0.1 بھی جاری کیا ہے تاکہ ایپل واچ سیریز 12 (Series 12) اور الٹرا 4 (Ultra 4) میں ری بوٹ ہونے والے اسی نوعیت کے مسئلے کو بھی فوری حل کیا جا سکے۔

ایپل نے آئی فون 18 پرو سیریز کے تمام صارفین کو مشورہ دیا ہے کہ وہ فوری طور پر اپنے فونز کو Settings > General > Software Update میں جا کر اپ ڈیٹ کریں۔