پرانا سامان خریدنے والی فیملی کو سوٹ کیس سے کیا ملا؟ دل دہلا دینے والا واقعہ

مرغیوں کی پُراسرار گمشدگی کا معمہ حل ہوگیا

عمر بڑھنے کے ساتھ دن چھوٹے ہونے کا احساس کیوں ہوتا ہے؟ تحقیق

شادی کی تقریب میں دولہا کی مشین گن سے فائرنگ

سوشل میڈیا اسٹار جنت مرزا کی اے آئی سے تیار کردہ وائرل ویڈیو پر ن لیگی رکن صوبائی اسمبلی حنا پرویز بٹ نے کارروائی کا مطالبہ کردیا ہے۔

ٹک ٹاکر و اداکارہ جنت مرزا کو اس اے آئی ویڈیو میں نامعلوم شخص کے ساتھ دکھایا گیا تھا اور اسے سوشل میڈیا پلیٹ فارمز پر بڑے پیمانے پر شیئر کیا گیا۔

جنت مرزا نے اس سے قبل انسٹاگرام اسٹوری میں اس ویڈیو کی مذمت کرتے ہوئے کہا تھا کہ کسی کی اجازت کے بغیر اس کا چہرہ استعمال کرنا اور گمراہ کن مواد تیار کرنا خواتین کے وقار کو خطرے میں ڈال سکتا ہے۔

اس مسئلے پر بات کرتے ہوئے حنا پرویز بٹ نے خواتین پر اے آئی سے تیار کردہ اور ‘ڈیپ فیک’ مواد کے اثرات اجاگر کیے اور حکام و متعلقہ اداروں پر زور دیا کہ وہ اس کے ذمہ داروں کے خلاف کارروائی کریں۔

حنا پرویز بٹ نے حکام کو ایسے واقعات کی رپورٹ کرنے کے مناسب طریقہ کار پر بھی بات کی اور متاثرین پر زور دیا کہ وہ ایسے واقعات کو محض بے ضرر آن لائن مواد سمجھنے کے بجائے اس غلط استعمال کی باقاعدہ رپورٹ کریں۔

View this post on Instagram A post shared by Galaxy Lollywood (@galaxylollywood)

A post shared by Galaxy Lollywood (@galaxylollywood)

جنت مرزا نے کہا کہ اے آئی سے تیار کردہ ویڈیو دیکھ کر انہیں شدید بے چینی محسوس ہوئی اور انہوں نے خبردار کیا کہ اس طرح کا غلط استعمال ان خواتین کو بھی متاثر کر سکتا ہے جو شاید سوشل میڈیا پر فعال بھی نہ ہوں۔

انہوں نے مزید کہا کہ یہ ویڈیو ذرا بھی مزاحیہ نہیں ہے۔ کسی کا چہرہ استعمال کرنا اور اس طرح کی ویڈیوز بنانا انتہائی تشویشناک ہے، آج ہو سکتا ہے کہ میرا چہرہ استعمال ہو رہا ہے لیکن کل کسی بھی لڑکی کا چہرہ استعمال ہو سکتا ہے اور اس کا وقار خطرے میں پڑ سکتا ہے۔

ٹک ٹاکر نے کہا کہ میں خود سوشل میڈیا پر متحرک ہوں اور اس کے باوجود مجھے یہ دیکھ کر بہت برا اور بے چین محسوس ہوا۔ ذرا ان لڑکیوں کے بارے میں سوچیں جو سوشل میڈیا پر بالکل بھی نہیں ہیں، ان کی تصاویر کا بھی اس طرح غلط استعمال کیا جا سکتا ہے جس کا انہیں کبھی علم بھی نہ ہو سکے۔