آئی اے ای اے کے اقدامات جوہری عدم پھیلاؤ کے عالمی نظام کے لیے نقصان دہ ثابت ہوسکتے ہیں، محسن رضائی
تہران: ایران نے خبردار کیا ہے کہ اقوام متحدہ کے جوہری نگران ادارے آئی اے ای اے کے سیاسی اور غیر مؤثر اقدامات کے باعث بعض ممالک جوہری ہتھیاروں کے پھیلاؤ کو روکنے کے معاہدے این پی ٹی سے دستبردار ہوسکتے ہیں۔
رائٹرز کے مطابق ایران کی سپریم نیشنل سکیورٹی کونسل کے سیکریٹری محسن رضائی نے سوشل میڈیا پر بیان میں یہ بات آئی اے ای اے کے بورڈ آف گورنرز کی جانب سے ایران کے خلاف قرارداد منظور کیے جانے کے ایک روز بعد کہی۔
35 رکنی آئی اے ای اے بورڈ نے قرارداد کے ذریعے ایران کو اپنی جوہری عدم پھیلاؤ کی ذمہ داریوں کی خلاف ورزی کے معاملے پر اقوام متحدہ کی سلامتی کونسل کو رپورٹ کرنے کا فیصلہ کیا ہے۔
محسن رضائی نے قرارداد کو ’غیر قانونی، تکنیکی بنیاد سے عاری اور مکمل طور پر سیاسی‘ قرار دیتے ہوئے اسے ناقابل قبول قرار دیا۔ انہوں نے الزام عائد کیا کہ اس اقدام پر امریکا اور اسرائیل کا دباؤ واضح نظر آتا ہے۔
ایرانی عہدیدار کے مطابق آئی اے ای اے کے ایسے اقدامات جوہری عدم پھیلاؤ کے عالمی نظام اور سفارتی کوششوں کے لیے نقصان دہ ثابت ہوسکتے ہیں۔
The anti-Iran resolution adopted by the Board of Governors is illegal, technically unfounded,entirely political,and unacceptable,bearing the clear imprint of U.S. and Zionist pressure.The IAEA’s politicized & disruptive actions will push countries toward withdrawing from the NPT. — محسن رضایی (@ir_rezaee) September 10, 2026
The anti-Iran resolution adopted by the Board of Governors is illegal, technically unfounded,entirely political,and unacceptable,bearing the clear imprint of U.S. and Zionist pressure.The IAEA’s politicized & disruptive actions will push countries toward withdrawing from the NPT.
ایران کی جانب سے یہ بیان ایسے وقت میں سامنے آیا ہے جب تہران کے جوہری پروگرام اور عالمی ادارے کے درمیان کشیدگی میں اضافہ ہوا ہے۔
