ایک ملک کے وزیراعظم پر موبائل فون چوری کا الزام، پارلیمنٹ نے استثنیٰ ختم کر دیا!

اہلیہ کے علاج کیلیے مسلسل جدوجہد، 81 سالہ شوہر کی ویڈیو نے سب کو رُلا دیا

پکوڑے کے اسٹال میں ’چٹنی‘ نہ ملنے پر لاتیں اور مُکے چل گئے، ویڈیو وائرل

جاپانی شخص کئی سالوں تک غیرآباد مکان کا کرایہ کیوں دیتا رہا؟؟

ممبئی(29 ستمبر 2026): بالی ووڈ کے معروف اور باصلاحیت اداکار اکشے ونود کھنہ نے ممبئی کے انتہائی گراں قدر اور پوش علاقے مالابار ہل میں کروڑوں روپے مالیت کا ایک شاندار لگژری اپارٹمنٹ خرید لیا ہے۔

پراپرٹی رجسٹریشن کے دستاویزات کے مطابق اس عالیشان گھر کی مالیت 33.26 کروڑ بھارتی روپے ہے، جو پاکستانی روپوں میں تقریباً ایک ارب روپے کے مساوی بنتی ہے۔ اس پراپرٹی کا باضابطہ لین دین ستمبر 2026 میں رجسٹر کیا گیا۔

دستاویزات کے مطابق اس اپارٹمنٹ کا کارپٹ ایریا 2,341.39 مربع فٹ ہے جبکہ اس کے ساتھ 175.45 مربع فٹ کا بالکنی ایریا بھی شامل ہے، جس سے کل رقبہ 2,516.84 مربع فٹ بنتا ہے۔ اس لگژری پراپرٹی کے ساتھ گاڑیوں کے لیے تین پارکنگ یونٹس بھی حاصل کیے گئے ہیں۔

اس مہنگی ڈیل کے سلسلے میں حکومت کو تقریباً 1.99 کروڑ روپے اسٹامپ ڈیوٹی جبکہ 30 ہزار روپے رجسٹریشن فیس کی مد میں ادا کیے گئے۔ یہ رہائش گاہ 30 لٹل گِبز، مالابار ہل روڈ پر واقع ہے۔

ممبئی کا مالابار ہل شہر کے نہایت مہنگے اور اشرافیہ کے رہائشی علاقوں میں شمار ہوتا ہے۔ جنوبی ممبئی میں سمندر کے قریب واقع ہونے کی وجہ سے یہ علاقہ نہ صرف قدرتی خوبصورتی کا حامل ہے بلکہ یہاں سے شہر کے اہم کاروباری اور تفریحی مراکز تک رسائی بھی انتہائی آسان ہے۔

نیپیئن سی روڈ، والکیشور روڈ اور پیڈر روڈ اسے میرین ڈرائیو، نریمان پوائنٹ اور کولابا جیسے اہم مقامات سے جوڑتے ہیں۔

اکشے کھنہ نے اپنے کئی دہائیوں پر محیط فلمی کیریئر میں ایک سے بڑھ کر ایک یادگار اور مختلف نوعیت کے کردار نبھائے ہیں۔

حالیہ عرصے میں فلم ‘دھرندھر’ میں رحمان ڈکیت کے شاندار کردار نے انہیں ناظرین کی جانب سے بے پناہ مقبولیت اور توجہ دلائی، جہاں ان کے پُراثر مکالمے اور اسکرین پر منفرد موجودگی کو بے حد سراہا گیا۔