’’125 سال سے مسلسل روشن دنیا کا واحد بلب‘‘

اے آئی کو چکما دینے والی شرٹ : حیرت انگیز ایجاد

جب ملازمہ کے سیب کھاتے ہی صدیوں پرانے نایاب ہیرے کی چوری پکڑی گئی

یہ شخص ’عورت‘ کیوں بن گیا؟ شاطرانہ چال!

صدر یورپی کمیشن ارسلا واندرلین نے کینیڈا کو یورپی یونین کا پہلا ایسوسی ایٹ رکن بنانے کی تجویز پیش کر دی۔

ارسلا واندرلین کا کہنا ہے کہ کینیڈا کیلئے یورپی یونین کے پہلے ایسوسی ایٹ ممبر کا دروازہ کھولنا چاہتے ہیں۔

کینیڈین وزیراعظم مارک کارنی نے یورپی یونین کی ایسوسی ایٹ رکنیت کا خیرمقدم کرتے ہوئے کہا کہ یورپ اور کینیڈا الگ الگ مضبوط لیکن مل کر مزید مضبوط ہیں، کینیڈا اور یورپی یونین تجارت، دفاع اور ٹیکنالوجی میں تعاون گہرا کریں گے۔

ارسلاواندرلین نے کہا کہ دفاعی صنعت، مصنوعی ذہانت اور سائبر سیکیورٹی میں تعاون بڑھایا جائے گا جس پر کینیڈین وزیراعظم نے کہا کہ ہمارا مقصد نئے بلاک کا قیام نہیں بلکہ اجتماعی خودمختاری کا تحفظ ہے۔

یورپی یونین نے دیگر ممالک کے ساتھ مل کر اپنی الگ سکیورٹی کونسل قائم کرنے کا اعلان کر دیا ہے۔

یورپی کمیشن کی صدر ارسلا واندرلین نے بدھ کے روز یورپی پارلیمنٹ میں اپنے ’اسٹیٹ آف دی یونین‘ خطاب کے دوران اس نئی یورپی سلامتی کونسل کے قیام کی باضابطہ تجویز پیش کی۔

اس تجویز کے تحت بننے والی سکیورٹی کونسل میں یورپی یونین کے علاوہ برطانیہ، ناروے، یوکرین اور کینیڈا کے رہنماؤں کو بھی شامل کیے جانے کا ارادہ ظاہر کیا گیا ہے۔

خطاب کے دوران یورپی کمیشن کی صدر کا کہنا تھا کہ موجودہ حالات میں یورپ کو ہائبرڈ حملوں کا مؤثر انداز میں مقابلہ کرنے کے لیے اپنے ایک الگ لائحہ عمل کی اشد ضرورت ہے۔ انہوں نے اس بات پر زور دیا کہ اس سکیورٹی کونسل کی تشکیل میں یوکرین، برطانیہ، ناروے، کینیڈا اور دیگر اہم شراکت داروں کو بھی ساتھ رکھا جائے گا۔

اس مقصد کے تحت یورپی کمیشن کی صدر نے ہائبرڈ حملوں سے نمٹنے کے لیے باہمی ردعمل میں ہم آہنگی پیدا کرنے کا ایک نیا نظام بھی تجویز کیا ہے۔