اے سی کا درجہ حرارت ایک ڈگری بڑھانے سے بھی بجلی کے استعمال میں کمی آسکتی ہے۔

شدید گرمی میں اے سی کے بغیر گزارا مشکل ہو جاتا ہے، لیکن غلط درجہ حرارت پر چلانے سے بجلی کا بل تیزی سے بڑھ سکتا ہے۔

اچھی بات یہ ہے کہ صرف چند ڈگری کی تبدیلی سے بجلی کے بل میں خاصی کمی کی جا سکتی ہے۔

24 سے 26 ڈگری کیوں بہتر ہے؟

عام طور پر 24 سے 26 ڈگری سینٹی گریڈ کو آرام اور بجلی کی بچت کے درمیان بہتر توازن سمجھا جاتا ہے۔ درجہ حرارت بہت کم رکھنے سے کمپریسر کو زیادہ دیر کام کرنا پڑتا ہے، جس سے بجلی زیادہ خرچ ہوتی ہے۔

ایک ڈگری بھی فرق ڈال سکتا ہے

اے سی کا درجہ حرارت ایک ڈگری بڑھانے سے بھی بجلی کے استعمال میں کمی آسکتی ہے۔ مثال کے طور پر 22 کے بجائے 26 ڈگری پر اے سی چلانا نسبتاً کم توانائی استعمال کر سکتا ہے۔

صرف درجہ حرارت ہی سب کچھ نہیں

کمرے کا سائز، باہر کی گرمی، نمی، اے سی کی کارکردگی اور کتنی دیر اے سی چلتا ہے، یہ سب بل پر اثر ڈالتے ہیں۔

اے سی کو اتنا ٹھنڈا نہ کریں کہ کمرہ ضرورت سے زیادہ سرد ہو جائے۔ جو سب سے زیادہ آرام دہ اور نسبتاً بلند درجہ حرارت آپ برداشت کر سکیں، وہی عموماً بجلی بچانے کیلئے بہتر انتخاب ہوتا ہے۔