سوشل میڈیا پر گردش کرنے والی ویڈیو میں ہانیا ملک نامی ٹک ٹاکر کو پولیس وین میں ویڈیو بناتے دیکھا جا سکتا ہے۔

سیالکوٹ کے تھانہ مراد پور کی سرکاری پولیس وین میں خاتون ٹک ٹاکر کی بنائی گئی ویڈیو سوشل میڈیا پر گردش کرنے لگی، جس کے بعد سرکاری گاڑی کے استعمال پر شہری تشویش کا اظہار کر رہے ہیں۔

ویڈیو سامنے آنے کے بعد معاملہ سوشل میڈیا پر زیرِ بحث بن گیا۔ شہریوں اور سماجی حلقوں نے سرکاری پولیس گاڑی کو ٹک ٹاک ویڈیو کیلئے استعمال کیے جانے پر تحقیقات اور ذمہ داروں کے خلاف کارروائی کا مطالبہ کیا ہے۔

دوسری جانب پولیس ترجمان کا کہنا ہے کہ واقعے سے متعلق حقائق کی جانچ کی جا رہی ہے اور وائرل ویڈیو میں سرکاری گاڑی کے استعمال سے متعلق وضاحت طلب کر لی گئی ہے۔