شوہر نے میکے سے واپس نہ آنے پر بیوی کی ناک کاٹ دی

’’125 سال سے مسلسل روشن دنیا کا واحد بلب‘‘

اے آئی کو چکما دینے والی شرٹ : حیرت انگیز ایجاد

جب ملازمہ کے سیب کھاتے ہی صدیوں پرانے نایاب ہیرے کی چوری پکڑی گئی

لندن : عالمی مارکیٹ میں خام تیل کی قیمتوں میں بڑی کمی ہوئی اور برینٹ 102 ڈالر فی بیرل کی سطح پر آگیا۔

تفصیلات کے مطابق بین الاقوامی مارکیٹ میں خام تیل کی قیمتوں میں نمایاں کمی ریکارڈ کی گئی ہے، جس کے بعد خام تیل کی عالمی قیمتیں مزید نیچے آ گئی ہیں۔

مارکیٹ اعداد و شمار کے تحت برینٹ خام تیل کی قیمت میں 2.41 فیصد کمی ہوئی، جس کے بعد اس کی قیمت 102.28 ڈالر فی بیرل ہوگئی۔

امریکی ویسٹ ٹیکساس انٹرمیڈیٹ (WTI) خام تیل کی قیمت بھی 1.73 فیصد کمی کے بعد 100.14 ڈالر فی بیرل پر آگئی۔

دوسری جانب مارکیٹ میں برینٹ خام تیل کی قیمت میں 0.81 فیصد کمی کے بعد اسے 103.96 ڈالر فی بیرل پر بھی رپورٹ کیا گیا، جبکہ امریکی WTI خام تیل 0.58 فیصد کمی کے بعد 101.32 ڈالر فی بیرل پر ٹریڈ کرتا رہا۔

ماہرین کے مطابق عالمی منڈی میں تیل کی قیمتوں میں کمی کی ایک اہم وجہ یہ توقع ہے کہ مشرق وسطیٰ سے تیل کی ترسیل کے لیے متبادل راستے دستیاب ہوسکتے ہیں، جس سے عالمی سپلائی پر دباؤ کم ہونے کا امکان ہے۔

دوسری جانب سعودی عرب اور یمن کے ایران نواز حوثیوں کے درمیان سرحد پر تازہ حملوں کے بعد خطے میں کشیدگی بڑھنے اور جنگ کا دائرہ وسیع ہونے کے خدشات بھی موجود ہیں۔

تاہم سرمایہ کاروں نے فی الحال ان حملوں کے باعث عالمی تیل سپلائی کو لاحق خطرات کو نسبتاً کم اہمیت دی ہے۔

ماہرین کا کہنا ہے کہ آئندہ دنوں میں عالمی تیل کی قیمتوں کا رخ مشرق وسطیٰ کی صورتحال، سعودی عرب اور حوثیوں کے درمیان کشیدگی اور عالمی منڈی تک تیل پہنچانے کے متبادل راستوں کی دستیابی سے متاثر ہوسکتا ہے۔