شہباز شریف کی وزیر داخلہ سے ہونے والی ملاقات اور پی ٹی آئی لانگ مارچ کے حوالے سے بھی تفصیلی گفتگو

وزیراعظم پاکستان میاں شہباز شریف کی جاتی امراء میں صدر مسلم لیگ ن میاں محمد نواز شریف سے ملاقات ہوئی جس ملکی سیاسی صورتحال پر تفصیلی تبادلہ خیال کیا گیا۔

شہباز شریف نے میاں نواز شریف کو حکومت اور اپوزیشن کے درمیان مذاکرات سے متعلق تفصیل سے آگاہ کیا۔

وزیراعظم میاں شہباز شریف نے وزیر داخلہ سے ہونے والی ملاقات اور پی ٹی آئی لانگ مارچ کے حوالے سے تفصیلی گفتگو بھی کی۔

حکومت اور اپوزیشن کے درمیان 13 گھنٹوں سے جاری طویل مذاکرات ناکام ہو گئے

وزیرداخلہ محسن نقوی کی وزیراعظم سے ملاقات، اپوزیشن سے مذاکرات کے حوالے سے گفتگو

واضح رہے کہ گزشتہ روز حکومت اور اپوزیشن کے درمیان مذاکرات ناکام ہوگئے تھے، مذاکرات تقریباً 13 گھنٹے جاری رہے۔

محمود خان اچکزئی اور وزیراعلیٰ سہیل آفریدی بانی پی ٹی آئی سے ملاقات کے لیے ڈٹ گئے تھے اور مؤقف اختیار کیا تھا کہ مارچ ختم کرنے کا اعلان بانی خود کریں گے۔