کانکرڈ پبلک لائبریری کے مطابق جان نامی ایک شخص حال ہی میں دی سینچری السٹریٹڈ منتھلی کا ستمبر 1894 کا شمارہ واپس کیا

امریکی ریاست نیو ہیمپشائر کی ایک لائبریری میں 132 سال قبل جاری کیا گیا ایک میگزین واپس کر دیا گیا۔ تاہم، اسے واپس کرنے والے شخص کو بھاری جرمانہ ادا نہیں کرنا پڑے گا۔

کانکرڈ پبلک لائبریری کے مطابق جان نامی ایک شخص حال ہی میں لائبریری آیا اور دی سینچری السٹریٹڈ منتھلی کا ستمبر 1894 کا شمارہ واپس کیا۔

جان نے لائبریرینز کو بتایا کہ یہ میگزین کئی برس سے اس کے گھر میں موجود تھا۔ تاہم، اسے معلوم نہیں کہ یہ اس کے پاس کیسے پہنچا۔

View this post on Instagram

جان نے بتایا کہ لائبریری کی جانب سے موجودہ عرصے میں اوورڈیو جرمانے منجمد کیے جانے کی خبر سننے کے بعد اس نے میگزین واپس کرنے کا فیصلہ کیا۔

لائبریری نے سوشل میڈیا پر مزاحیہ انداز میں کہا کہ خوش قسمتی سے جان کو 12 ہزار 55 ڈالر کا جرمانہ ادا نہیں کرنا پڑے گا جو میگزین کے 48 ہزار 220 دن تاخیر سے واپس کرنے پر بنتا تھا۔

لائبریری کے مطابق یہ تاریخی میگزین دوبارہ عام گردش میں شامل نہیں کیا جائے گا۔ البتہ، ممکن ہے کہ اسے عمارت کے کانکرڈ میں نمائش کے لیے رکھا جائے۔