سیکیورٹی ذرائع کے مطابق وائرل ویڈیو 4 اکتوبر 2026 کو گنڈا سنگھ بارڈر پر بنائی گئی تھی
سوشل میڈیا پر ایک ویڈیو کو واہگہ اٹاری بارڈر سے جوڑا جا رہا ہے جس میں پاکستان رینجرز پنجاب کا ایک اہلکار بھارتی بی ایس ایف افسر کو سلیوٹ کرتا دکھائی دیتا ہے۔
تحقیق کے مطابق یہ ویڈیو واہگہ اٹاری بارڈر کی نہیں بلکہ قصور کے گنڈا سنگھ بارڈر کی ہے کیونکہ ویڈیو میں سرحدی ستون پر 191 نمبر واضح ہے، جو گنڈا سنگھ بارڈر کی نشاندہی کرتا ہے۔
وہاں موجود بیریئرز بھی اسی مقام سے مطابقت رکھتے ہیں، جبکہ واہگہ اٹاری بارڈر پر داخلی گیٹس اور سرحدی برجی کا ڈیزائن مختلف ہے۔
ذرائع کے مطابق ویڈیو 4 اکتوبر 2026 کو بنائی گئی۔
View this post on Instagram
سرحدی ڈیوٹی کے دوران دونوں ممالک کے اہلکاروں کا ایک دوسرے کو سلیوٹ کرنا فوجی آداب اور پروٹوکول کا حصہ ہو سکتا ہے، اسے کسی سیاسی یا سفارتی پیش رفت کی علامت قرار دینا درست نہیں۔
ویڈیو حقیقی ہے، مگر اسے واہگہ اٹاری بارڈر سے منسوب کرنا گمراہ کن ہے۔
