سفیان اس سے قبل اپریل میں بھی اسی مماثلت کی وجہ سے وائرل ہوئے تھے

بالی ووڈ پروڈیوسر ساجد ناڈیاڈوالا کے چھوٹے بیٹے سفیان ناڈیاڈوالا اپنی شکل اور حلیے کی وجہ سے سوشل میڈیا پر توجہ کا مرکز بن گئے۔

سفیان حال ہی میں ممبئی میں فلم ’پریم کیٹانو‘ کی اسکریننگ میں والدین کے ہمراہ شریک ہوئے، جہاں ان کی ملاقات سلمان خان سے بھی ہوئی۔

View this post on Instagram

تقریب کی تصاویر اور ویڈیوز سامنے آنے کے بعد صارفین نے سفیان کی شکل کا موازنہ ینگ سلمان خان سے کرنا شروع کر دیا۔ بعض مداحوں نے انہیں ’90 کی دہائی کا سلمان خان‘ قرار دیا تو کسی نے مذاقاً لکھا، ’سلمان خان کا بیٹا لگتا ہے‘۔

سفیان اس سے قبل اپریل میں بھی اسی مماثلت کی وجہ سے وائرل ہوئے تھے۔ وہ فی الحال اپنی تعلیم پر توجہ دے رہے ہیں اور بالی ووڈ میں ڈیبیو کرنے کا ان کا حال میں کوئی ارادہ نہیں۔